Italiyalik futbolchi Jorjio Kyellini "Real" ustozi Karlo Anchelotti haqida fikr bildirdi. O‘tgan mavsumda "qaymoqranglilar" italiyalik murabbiy qo‘l ostida La Liga va Chempionlar Ligasida g‘alaba qozonishdi.
“Natijalar Anchelottining o‘zi haqida gapiradi. U ajoyib inson. Men xafaman, chunki u menga murabbiylik qilishini xohlardim. Bu tarixdagi eng yaxshi murabbiylardan biri. Men unga fantastik faoliyatida omad tilayman”, - dedi Kyellini Marca nashriga bergan intervyusida.
Eslatib o‘tamiz, yozgi transfer oynasida Jorjio Kyellini 17 yillik faoliyatidan so‘ng "Yuventus"ni tark etdi. Himoyachi "Los-Anjeles" klubi bilan shartnoma imzolab, MLSga yo‘l oldi.