"Манчестер Юнайтед" бош мураббийи Эрик тен Хаг Криштиану Роналдунинг Англия Премьер-лигасидаги ўйинларига тайёрлиги ҳақидаги саволга жавоб берди.
"Манчестер Юнайтед" чемпионатнинг очилиш ўйинини 7 август куни ўз майдонида "Брайтон"га қарши ўтказади.
“Роналду қачон Премьер-лигада ўйнай олади? Ҳозир жавоб бера олмайман. У тайёргарлик бўйича қолган футболчилардан ортда қолмоқда, чунки у бир неча ҳафтани ўтказиб юборди. Криштиануга ҳозир ўйинлар ва кўп машғулотлар керак", - деди Тен Хаг Sky Sports нашрига.
Матбуотда Криштиану Роналду ёзги трансфер ойнасида клубини ўзгартириш истаги ҳақида кўп гапирилмоқда. Португалиялик футболчи Чемпионлар лигасида ўйнашни истайди, аммо "Манчестер Юнайтед" бу турнирда иштирок этмайди.
