Роберт Левандовски яқинда "Бавария"дан "Барселона"га кўчиб ўтди. Ўшандан бери польшалик ҳужумчи "кўк-анорранглилар" таркибида учта ўртоқлик ўйини ўтказди, бироқ битта ҳам гол ура олмади. Вазиятни "кўк-анорранглилар" бош мураббийи Хави Эрнандес изоҳлади.
"Левандовскининг бироз ҳаяжонланиши нормал ҳолат. У ёқишни хоҳлайди. Аммо бу бошқа футболчилар билан аввал ҳам содир бўлган. Левандовски барибир гол уради", - деди Хави Marca билан суҳбатда.
"Барселона" 2022/2023 йилги мавсумдаги илк расмий ўйинини 13 август, шанба куни ўтказади. Ла Лиганинг илк турида Хави шогирдлари “Райо Вальекано”га қарши баҳс олиб боради.
