"Барселона"нинг германиялик дарвозабони Марк-Андре тер Штеген янги мавсум олдидан жамоанинг сўнгги йиллардаги ўйинларидан кўра, ўзини яхши ҳис қилмоқда. Каталонияликлар трансфер кампаниясини яхши ўтказдилар, таркибни кучайтирдилар ва энди "Барселона" миллий ҳамда халқаро миқёсдаги совринлар учун курашишга тайёр.
"Биз одатдаги менталитетимизга қайтамиз. Жамоамиз барча совринлар учун кураша олади. Таркибни кучайтирдик, Левандовски каби футболчилар учрашув натижасини ҳал қила олишади. Янги ўйинчилар бизга катта ёрдам беради", - деди Тер Штеген Sport.es билан суҳбатда.
