"ПСЖ" бош мураббийи Кристоф Галтье жамоа ҳужумидаги Лионель Месси ва Неймар ўртасидаги боғлиқлик ҳақида ўз фикри билан ўртоқлашди. Кеча Франция Суперкубоги доирасида бўлиб ўтган “Нант”га қарши ўйинда бу дуэт учта гол уришга муваффақ бўлди.
"Бу иккиси "Барселона"даги вақтларидан бери бир-бирларини жуда яхши билишади. Уларга Мбаппе қўшилса, тўплам янада яхши ишлайди. Менинг вазифам - бу йигитлар имкон қадар кўпроқ гол уришидадир", - деди мураббий RMC Sport билан суҳбатда.
Эслатиб ўтамиз, "ПСЖ" - "Нант" учрашуви 4:0 ҳисобида парижликларнинг йирик ғалабаси билан якунланганди. Бу учрашувда Месси битта гол урди, Неймар дублга эришди.
