"Наполи" мураббийи Лучано Спалетти жамоанинг янги аъзоси Хвича Кварацхелиянинг Испаниянинг "Мальорка" клуби билан ўртоқлик учрашувидаги ўйини ҳақида гапирди.
“Хвича бу ўйинда яхши ўйнади. Бу йигит қандай ғалаба қозонишни билади. Ҳа, баъзи эпизодларда унга омад кулиб боқмади, лекин у ўзининг энг яхши фазилатларини кўрсатди", деган мурабий.
Охирги ўйинда грузиялик ярим ҳимоячи 71 дақиқа майдонда бўлди, шундан сўнг алмаштирилди.
Хвича шу ёзда "Наполи"га ўтган ва 2027 йилнинг ўрталарига қадар шартнома имзолаган. Унинг трансфери неаполликларга ўн миллион еврога тушди.
