Лионель Месси келаси мавсумда Чемпионлар лигаси ва ЖЧ-2022да яхши натижага эришмоқчи.
L'Equipe хабарига кўра, 35 ёшли ҳужумчи энди "ПСЖ"да ўзини қулайроқ ҳис қилмоқда.
Бунга мураббий алмашгани сабаб бўлса керак - жамоага Маурисио Почеттино ўрнига Кристоф Галтье келди. Бу қисман Анхель Ди Мариянинг француз клубини тарк этгани билан боғлиқ. Аргентиналик футболчининг кетиши Мессини жамоадошлари билан мулоқотда очиқроқ бўлишга ундади.
Месси "ПСЖ"га тўлиқ мослашди - унинг 2022/23 йилги мавсум учун катта режалари бор. Лионель "ПСЖ" билан Чемпионлар лигасида ғалаба қозонишни, шунингдек, Аргентина билан 2022 йилги жаҳон чемпионатида ғалаба қозонишни мақсад қилган.
Агар "ПСЖ"нинг жорий мавсумдаги натижалари ишончли бўлса, Месси шартномасини яна бир мавсумга узайтириш вариантини фаоллаштириши мумкин. Унда "Барселона"га қайтиш ёки "Интер Майами"га ўтиш имконияти ҳам бор.
