Якшанба куни "ПСЖ" "Нант" устидан 4:0 ҳисобида ғалаба қозониб, Франция Суперкубогини қўлга киритди. Ушбу учрашувдаги дубль муаллифи Неймар бўлди. Globo нашри хабарига кўра, урилган иккита гол Неймарга финал ўйинларида гол уриш бўйича Криштиану Роналдуни ортда қолдириш имконини берди.

Энди Неймар ҳисобида 35 та финалда 21 та гол бор. Криштиану Роналду ҳам 35 та финал учрашувида қатнашган, бироқ 20 бор рақиблар дарвозасини ишғол қилган.

Фаол ўйинчилар орасида финалда энг кўп гол урган Лионель Месси. 46 та ҳал қилувчи жангда аргентиналик юлдуз 32 бор рақиблар дарвозасини ишғол қилган.

6 август куни "ПСЖ" Лига 1нинг биринчи турида "Клермон" билан ўйнайди.