Туриннинг "Ювентус" клуби "Валенсия" билан ярим ҳимоячи Артур Мелони ижараси борасида музокара олиб бормоқда. Журналист Николо Скиранинг сўзларига кўра, ҳар икки клуб ҳам яқин орада келишувга эришишга умид қилмоқда.
Артур "Валенсия"га кўчиб ўтишга рози бўлади, бироқ бир муаммо келишувни секинлаштиради. Футболчи “Ювентус”да йилига 5,5 миллион евро маош олади, шу боис “кўршапалаклар” “кекса синьора”ни ҳеч бўлмаганда бразилияликнинг маошининг бир қисмини қоплашга кўндиришмоқчи.
Артур "Валенсия"нинг янги бош мураббийи Женнаро Гаттузо билан бирга ишлаш ниятида. Эслатиб ўтамиз, аввалроқ бразилиялик Лондоннинг "Арсенал" клубини ижарага олмоқчи бўлган, бироқ шартнома тузилмаганди.
