"Рома" ҳужумчи Андреа Белотти билан 3 йиллик шартнома имзолайди, деб хабар беради Sky Sports Italia. 28 ёшли форварднинг биринчи йилдаги маоши 2,8 миллион еврони ташкил этади, унга кўра бонуслар қўшилади.
Римликлар ҳужумчи Элдор Шомуродовнинг "Болонья"га ўтишини якунлаганидан кейин форвард билан шартнома имзолаши мумкин.
Эркин агент бўлган Белотти "Рома"да Пауло Дибала билан яна бирлашади. У аргентиналик футболчи билан биргаликда 2013 йилдан 2015 йилгача "Палермо"да ўйнаган.
Белотти ўтган мавсумда "Торино" сафида А Серияда 22 та ўйинда майдонга тушиб, 8 та гол урди ва голли узатмани амалга оширди.
