Уругвай терма жамоаси ярим ҳимоячиси Матиас Весино “Лацио” билан шартнома имзолади. Рим клуби сайти хабарига кўра, 30 ёшли футболчи билан шартнома уч мавсумга мўлжалланган.

Олдинроқ футболчининг маоши бонусларни ҳисобга олмаганда йилига 1,5 миллион евро бўлиши ҳақида маълумотлар пайдо бўлганди.

Весино 2021/22 йилги мавсум якунида эркин агентга айланди, унинг “Интер” билан шартномаси тугади. Ўтган мавсумда футболчи “нерадзуррилар” сафида 22 та ўйинда майдонга тушиб, 1 та гол урган.

Милан клуби таркибида Италия чемпиони, мамлакат кубоги ва Суперкубоги соҳибига айланди.