"Ливерпуль" ҳужумчиси Диогу Жота клуб билан шартномасини узайтириши мумкин. The Telegraph хабарига кўра, инглиз клуби 25 ёшли португалиялик учун яхшиланган шартлар асосида янги шартнома тайёрламоқда.
Жотанинг "қизиллар" билан амалдаги шартномаси 2025 йилгача мўлжалланган. Transfermarkt портали футболчининг нархини 60 миллион еврога баҳоламоқда.
Португалиялик футболчи 2020 йилнинг сентябрида 45 миллион евро эвазига "Вулверхэмптон"дан "Ливерпуль"га ўтган эди. Ўшандан бери у мерсисайдликлар сафида 85 ўйинда майдонга тушиб, 34 та гол урди ва 9 та голли узатмани амалга оширди.
