“Манчестер Юнайтед”нинг португалиялик ҳужумчиси Криштиану Роналду “қизил иблислар” АПЛда янги мавсумдаги илк ўйинини ўтказгунга қадар жамоани тарк этмоқчи, деб хабар бермоқда AS.
Қайд этилишича, Роналду учун мавсумни бир клубда бошлаб, бошқа клубда давом эттириши одатий ҳол эмас. Шу муносабат билан у клуб Премьер-лиганинг янги мавсуми бошланишидан олдин "Манчестер Юнайтед"ни тарк этмоқчи.
Қайд этилишича, Роналдунинг агенти Хорхе Мендеш бир неча ҳафта давомида Европанинг бир қанча йирик клублари, жумладан, “Барселона”, “Атлетико”, “Челси”, “Бавария”, “Наполи” билан учрашув ва суҳбатлар ўтказган, аниқ таклифларда бўлмаган.
"Манчестер Юнайтед" 7 август куни "Брайтон" билан АПЛнинг биринчи турини ўтказади.
Роналду “Манчестер Юнайтед”да 2021 йилдан буён тўп тепади. Португалиялик ҳужумчининг клуб билан шартномаси 2023 йилгача мўлжалланган.
