Бекобод шаҳрида маҳаллий "Металлург" клуби турнир жадвалида ушбу тургача ўзи билан тенг очко жамғариб турган рақиби – Самарқанднинг "Динамо" клубини қабул қилди ва 2:1 ҳисобида ғалаба қозониди.
Учрашувнинг биринчи бўлимида дарвозалар дахлсизлиги сақланиб қолингач, иккинчи бўлим бошланиши биланоқ "металлурглар" тезкор гол киритишга муваффақ бўлишди – 48-дақиқада Зоҳид Абдуллаев меҳмонлар дарвозасини аниқ нишонга олди.
Шундан сўнг 76-дақиқада Шаҳзодбек Нурматов ҳисобдаги фарқни яна биттага оширди. 85-дақиқада "Динамо" ҳужумчиси Зафар Полвонов ҳисобдаги фарқни биттага қисқартиришга эришган бўлса-да, самарқандлик футболчиларнинг бундан ортиғига қурби етмади.
Олий лига-2012. 10-тур
МЕТАЛЛУРГ (Бекобод) – ДИНАМО (Самарқанд) 2:1 (0:0)
Голлар: Зоҳид Абдуллаев (48), Шаҳзодбек Нурматов (76) – Зафар Полвонов (85)