Transfermarkt портали собиқ СССР мамлакатларининг чет элда тўп сураётган энг қиммат футболчиларидан иборат рейтингни эълон қилди.

Унга кўра, Украина терма жамоаси ва «Аталанта» клуби аъзоси Руслан Малиновский энг қиммат футболчи бўлиб турибди. Малиновскийнинг трансфер қиймати 28 миллион еврони ташкил этади.

Иккинчи ўринни яқинда «Манчестер Сити»дан «Арсенал» сафига кўчиб ўтган Олександр Зинченко банд этиб турибди. Украиналик футболчининг трансфер нархи 25 миллион евро. «Монако» футболчиси Александр Головин 25 миллион евро билан кучли учликни якунлаб берган.

Ўзбекистон терма жамоаси ва «Рома» клуби ҳужумчиси Элдор Шомуродов эса 9-поғонани банд этган. Шомуродовнинг трансфер баҳоси 8 миллион евро.

Собиқ СССР мамлакатларининг энг қиммат футболчилари:

1. Руслан Малиновский («Аталанта», Украина) — 28 миллион евро;
2. Александр Зинченко («Арсенал», Украина) — 25 миллион;
3. Александр Головин («Монако», Россия) — 25 миллион;
4. Виталий Миколенко («Эвертон», Украина) — 18 миллион;
5. Хвича Кварацхелия («Наполи», Грузия) — 15 миллион;
6. Роман Еремчук («Бенфика», Украина) — 15 миллион;
7. Георгий Мамардашвили («Валенсия», Грузия) — 10 миллион;
8. Алексей Миранчук («Аталанта», Россия) — 10 миллион;
9. Элдор Шомуродов («Рома», Ўзбекистон) — 8 миллион;
10. Генрих Мхитарян («Интер», Арманистон) — 8 миллион.