Журналист Адриен Греньенинг ижтимоий тармоқлар орқали хабар беришича, "ПСЖ" клуби "Лестер" ҳимоячиси Уэсли Фофанага қизиқиш билдирмоқда.
Франция гранди футболчи учун 65 миллион евро тўлашга тайёр. Бироқ бундай таклиф Британия томонига тўғри келмайди. "Лестер" раҳбарияти Фофанани сотишдан анча кўпроқ даромад олишни режалаштирмоқда.
21 ёшли франциялик футболчи инглиз клубида 2020 йилнинг октябридан буён тўп сурмоқда. Унинг амалдаги шартномаси 2026/2027 йилги мавсум охиригача амал қилади.
Уэсли ўтган мавсумда Премьер-лигада 7 та ўйинда майдонга тушди ва иккита сариқ карточка олди.
