Англия Премьер-лигаси (АПЛ) футболчилари ирқчиликка қарши кураш белгиси сифатида энди ҳар бир учрашув олдидан тиз чўкишни истамайди, деб хабар беради Daily Mail.
Манбага кўра, бу масала 28 июль, пайшанба куни бўлиб ўтган Премьер-лиганинг 20 нафар сардори йиғилишида муҳокама қилинган.
Қайд этилишича, футболчилар акция қийматини йўқотган деб ўйлашади. Шу билан бирга, улар фақат баъзи учрашувлар олдидан тиз чўкиш ғоясини қўллаб-қувватладилар.
Сардорлар бу ҳафтада бу масалани яна муҳокама қилишади.
Аввалроқ “Суонси” ва “Бристол” футболчилари ўйин олдидан тиз чўкишни тўхтатишга қарор қилгани ҳақида хабар берилганди.
