Дортмунднинг "Боруссия" клуби "Кёльн" ҳужумчиси Энтони Модестга қизиқиш билдирмоқда, дея хабар беради журналист Николо Скира.
Манбага кўра, трансфер шу йилнинг ёзида амалга ошиши мумкин.
Ўтган мавсумда Модест "Кёльн" сафида барча мусобақаларда 35 та ўйинда майдонга тушиб, 23 та гол урди ва 4 та голли узатмани амалга оширди. Transfermarkt портали 34 ёшли франциялик футболчининг нархини 3 миллион еврога баҳоламоқда.
Аввалроқ, 30 июль куни "Боруссия" ҳужумчиси Себастьян Алле номалум муддатга сафдан чиққани маълум бўлганди. Футболчи даволаниши керак бўлади, чунки унга саратон ташхиси қўйилган.
