СЭ нашрига маълум бўлишича, "Аякс" ҳимоячиси Лисандро Магальян ЦСКАга ўтишга яқин турибди. 28 ёшли аргентиналик футболчи Россияга кўчиб ўтишга рози бўлди.
Яқин орада ҳимоячи рус клуби билан шартнома имзолаш учун Москвага учиб кетади.
Ўтган мавсумда ҳимоячи "Андерлехт"да ижара асосида ўйнаб, барча турнирларда 31 та ўйинда майдонга тушиб, битта гол ва битта голли узатмани амалга оширган.
Аввалроқ у "Бока Хуниорс", "Алавес" ва "Кротоне" клубларида ўйнаган.
Магальяннинг Амстердам клуби билан шартномаси 2023 йилнинг 30 июнига қадар амал қилади.
Аввалроқ Магальян ЦСКАга ўтишга рози бўлгани хабар қилинганди, бироқ кейинчалик Нидерландия клуби бу маълумотни рад этганди.
