Ўтган ҳафта охирида "ПСЖ" "Нант" жамоасини 4:0 ҳисобида мағлуб этиб, Франция Суперкубогини қўлга киритди.
Парижлик ҳужумчиси Лионель Месси бу ғалабага ўз ҳиссасини қўшиб, учрашувда ҳисобни очди. Финал ҳуштаги янграгач, Месси қўриқчилар ҳамроҳлигида Тел-Авивдаги майдонни тарк этди. Бир пайт қўлида мобил телефони бўлган ёш мухлис аргентиналик футболчининг ёнига келишга уринди. Жаҳлдор қўриқчи йигитни ушлаб, ерга йиқитди. Вазиятга Мессининг ўзи аралашди, у мухлисни қўриқчидан қутқариб олди ва ҳатто у билан селфига тушди.
Лига 1нинг дастлабки турида "ПСЖ" сафарда "Клермон"га қарши баҳс олиб боради. Ўйин 6 август, шанба куни бўлиб ўтади.
