Ирландия терма жамоасидан кейин Швеция терма жамоаси ҳам Европа чемпионати мусобақаларини муддатидан олдин якунлайдиган бўлди.
Англия терма жамоасига қарши учрашув драматик тарзда кечди, дейиш мумкин. Аввалига Англия терма жамоаси ҳужумчиси Эндрю Кэррол инглизларга хос тарзда боши билан рақиб дарвозасини ишғол қилганди.
Иккинчи бўлимда эса Швеция дастлаб ҳисобдаги фарқни қисқартирди. Бу вазиятда Глен Жонсон тўпни қайтариг чоғида хатога йўл қўйди ва ўз дарвозасини ишғол қилиб қўйди.
Кейинги вазиятда эса Швеция терма жамоаси ҳисобда олдинга ҳам чиқиб олди. Улоф Мёльберг Швецияни руҳлантирувчи гол муаллифига айланди. Бироқ бу хурсандчилик узоққа чўзилмади. Иккинчи бўлимда майдонга чиқарилган Тео Уолкотт жамоаси ўйинини бутунлай ўзгартириб юборди.
"Арсенал" яримҳимоячиси дастлаб ўзи ҳисобни тенглаштирди. Кейин эса жуда ажойиб ҳаракатлари эвазига Дэни Уэлбекни қулай вазиятга олиб чиқди. Уэлбек эса товони билан Исакссон дарвозасини нишонга олди. Бу чиройли ол Англияга ғалаба келтирди.
Ушбу мағлубиятдан кейин Швеция терма жамоаси мусобақа билан гуруҳ босқичидаёқ якунлаши маълум бўлди. Нафақат кейинги босқич масаласи, балки жамоанинг эгаллайдиган ўрни ҳам энди аниқ — гуруҳда тўртинчи ўрин. Сўнгги турда қандай натижа қайд этмасин "Тре крунер" ҳеч нарсани ўзгартира олмайди.
Евро-2012. "D" гуруҳи. 2-тур
ШВЕЦИЯ — АНГЛИЯ 2:3 (0:1)
Голлар: Жонсон (49, автогол), Мёльберг (59) - Кэрролл (23), Уолкотт (64), Уэлбек (78).
ШВЕЦИЯ: Исакссон, Гранквист (Люстиг, 66), Мельберг, Ж.Ольссон, Март. Ольссон, Свенссон, Чёльстрем, Ларссон, Элмандер (Розенберг, 79), Эльм (Вилҳелмссон, 81), Иброҳимович.
АНГЛИЯ: Жо Ҳарт, Жонсон, Терри, Лескотт, Э.Коул, Милнер (Уолкотт, 61), Жеррард, Паркер, Эшли Янг, Уэлбек (Окслейд-Чемберлен, 90), Кэрролл.
Огоҳлантиришлар: Милнер (58), Мельберг (63), Ольссон (72), Свенссон (90).
Бош ҳакам: Дамир Скомина (Словения)
15 июнь. Киев. Олимпийский
