"Сассуоло" ҳужумчиси Жакомо Распадори тўғридан-тўғри ўз клубидан уни ёзги трансфер ойнасида трансферга қўйишни сўради, деб хабар беради Football Italia.
Манбанинг хабарига кўра, ҳужумчи янги мавсумда УЕФА Чемпионлар лигасида иштирок этадиган клубга ўтмоқчи.
Олдинроқ "Сассуоло" спорт директори Жованни Карневали "Наполи" билан музокаралар олиб борилаётганини тасдиқлаганди.
Италиялик футболчининг амалдаги шартномаси 2024 йилда якунига етади. Ўтган мавсумда Распадори А Серияда 36 та ўйинда майдонга тушиб, 10 та гол урди ва 6 та голли узатмани амалга оширди.
Тахминларга кўра, раҳбарият футболчи учун тахминан 25 миллион евро талаб қилади.
