"Sassuolo" hujumchisi Jakomo Raspadori to‘g‘ridan-to‘g‘ri o‘z klubidan uni yozgi transfer oynasida transferga qo‘yishni so‘radi, deb xabar beradi Football Italia.
Manbaning xabariga ko‘ra, hujumchi yangi mavsumda UYEFA Chempionlar ligasida ishtirok etadigan klubga o‘tmoqchi.
Oldinroq "Sassuolo" sport direktori Jovanni Karnevali "Napoli" bilan muzokaralar olib borilayotganini tasdiqlagandi.
Italiyalik futbolchining amaldagi shartnomasi 2024 yilda yakuniga yetadi. O‘tgan mavsumda Raspadori A Seriyada 36 ta o‘yinda maydonga tushib, 10 ta gol urdi va 6 ta golli uzatmani amalga oshirdi.
Taxminlarga ko‘ra, rahbariyat futbolchi uchun taxminan 25 million yevro talab qiladi.
