Россия терма жамоаси ҳужумчиси, ушбу европа чемпионати тўпурарларидан бири бўлиб турган Алан Дзагоев, европа чемпионати якунланганидан сўнг, европанинг бирон кўзга кўринган жамоасида тўп суриш орзуси борлигини яширмади.
Россиялик журналистларга берган интервьюсида, футболчи айни пайтдаги терма жамоаси ўйини ҳамда келажак режалари билан ўртоқлашди.
"Мен ўтган икки учрашувда ўзимнинг энг яхши ўйинларимни ўтказдим деб ўйламайман. Польшага қарши учрашувда гол киритган бўлсамда, яхши ўйнадим деб айта олмайман, чунки кўп вазиятларда тўпни йўқотиб қўйдим.
"Умуман терма жамоамизнинг кўрсатаётган ўйинидан ҳурсандман. Биз ўз ўйинимизни шу йўсинда давом эттирсак, узоқроққа боришимиз мумкин"
Ўзим ҳақимда тўхталадиган бўлсам, албатта, Россиядан кетиб европада тўп суриш ниятим бор. Аммо бу ҳақда ЕВРО якунлангач жиддий ўйлаб кўришим мумкин", -дейди ҳужумчи
