Украина терма жамоаси ҳужумчиси Андрей Шевченко Евро-2012 гуруҳ босқичининг иккинчи турида Францияга қарши ўйинда (0:2) мезбонлар сафида энг яхши ўйинчи деб дарвозабон Андрей Пятовни айтди.
"Франция - жуда яхши жамоа ва бу жамоага қарши анча қийналдик, - дея Шевченконинг сўзларини келтиради "Чемпионат.com". - Французлар тез ўйнашади, тўпни яхши назорат қилишади, бурчак тўпларини хавфли тарзда амалга оширишади.
Бизнинг дарвозабонимиз аъло ўйин кўрсатди, аммо бу ютқазмаслик учун камлик қилди. Умуман олганда, кўп нарса йўқотганимиз йўқ.
