"Манчестер Юнайтед" бош мураббийи Эрик тен Хаг ҳужумчи Криштиану Роналдунинг хатти-ҳаракати ҳақида фикр билдирди.
Эслатиб ўтамиз, португалиялик футболчи яқинда "Райо Вальекано"га қарши ўртоқлик ўйини вақтида "Олд Траффорд"ни тарк этганди.
“Мен бу хатти-ҳаракатни қабул қилмайман. Мен буни номақбул деб биламан. Бу ҳамма учун амал қилади. Биз бир жамоамиз, шунинг учун ҳамма охиригача туриши керак” - деди Тен Хаг матбуот анжуманида.
Эслатиб ўтамиз, Криштиану Роналду "Манчестер Юнайтед"ни тарк этмоқчи. Португалиялик ҳужумчи келаси мавсумда Чемпионлар лигасида ўйнайдиган жамоада ўйнамоқчи.