Россия нашрларининг эксклюзив маълумотларига кўра, "Рома" ва "Болонья" Элдор Шомуродов трансфери бўйича келишувга эриша олмасликлари мумкин.
Аввалроқ, таниқли инсайдер Жанлука ди Марцио томонлар келишувга яқин экани ҳақида хабар берганди. Римликлар шартномага кейинчалик 9 миллион еврога сотиб олиш опциясини киритишмоқчи, "Болонья" эса бунга рози бўлишга ҳали тайёр эмас ва анча камроқ суммасини таклиф қилади ёки ҳатто бу бандни шартномадан чиқариб ташлайди.
"Торино" ва "Сассуоло"да вазият диққат билан кузатилмоқда. Қолаверса, “Торино” “Рома”нинг шартларини қабул қилишга тайёр. Шунингдек, “Рома” “Вулверхэмптон”дан ҳам таклиф олган, бу клуб тўлиқ трансферга тайёр, бироқ Шомуродов учун устувор вазифа А Серияда қолиш. Шу сабабдан ҳамюртимиз Германиянинг икки клуби таклифини кўриб чиқмади.
