Rossiya nashrlarining eksklyuziv ma’lumotlariga ko‘ra, "Roma" va "Bolonya" Eldor Shomurodov transferi bo‘yicha kelishuvga erisha olmasliklari mumkin.
Avvalroq, taniqli insayder Janluka di Marsio tomonlar kelishuvga yaqin ekani haqida xabar bergandi. Rimliklar shartnomaga keyinchalik 9 million yevroga sotib olish opsiyasini kiritishmoqchi, "Bolonya" esa bunga rozi bo‘lishga hali tayyor emas va ancha kamroq summasini taklif qiladi yoki hatto bu bandni shartnomadan chiqarib tashlaydi.
"Torino" va "Sassuolo"da vaziyat diqqat bilan kuzatilmoqda. Qolaversa, “Torino” “Roma”ning shartlarini qabul qilishga tayyor. Shuningdek, “Roma” “Vulverxempton”dan ham taklif olgan, bu klub to‘liq transferga tayyor, biroq Shomurodov uchun ustuvor vazifa A Seriyada qolish. Shu sababdan hamyurtimiz Germaniyaning ikki klubi taklifini ko‘rib chiqmadi.
