"Лестер" "Бенфика" дарвозабони Одиссеас Влаходимосни ўз сафига қўшиб олмоқчи, дея хабар беради журналист Николо Скира.
Манбага кўра, "тулкилар" 28 ёшли грециялик дарвозабонни "Ницца" клубига ўтадиган Каспер Шмейхелга ўринбосар сифатида кўрмоқда.
Влаходимос - "Лестер"нинг асосий мақсади. Агар келишув амалга ошмаса, инглиз клуби "Наполи" дарвозабони Алекс Меретни қўлга киритишга ҳаракат қилиб кўради.
Ўтган мавсумда Влаходимос “Бенфика” сафида 48 та ўйинда майдонга тушиб, 51 та гол ўтказиб юборган. Transfermarkt портали дарвозабоннинг нархини 15 миллион еврога баҳоламоқда.
