Юнон миллатига мансуб таниқли совет ҳужумчиси Евстафий Пехлеваниди бугун Варшавада бўлиб ўтадиган гуруҳ босқичининг сўнгги ўйинида Греция термаси Россияни юта олишига ишонади.
"Ишонинг, қадимги эллинлар шуҳрати бугунги терма жамоа ўйинчилари учун оддий гап эмас. Ортга йўл йўқ. Менга албатта, Дик Адвокат шогирдлари ўйини ёқади, аммо мен ўзимизникиларга ишқибозлик қиламан. Ахир чорак асрдан буён Грецияда яшаяпман. Россия - фаворит, аммо бизни осон таслим бўлади, деб ўйламанг.
Греклар менталитет бўйича славянларга яқин. Улар ўзларини ўзлари чоҳга итарадилар ва зўр бериб ундан чиқишга ҳаракат қиладилар. Баъзан бунинг уддасидан чиқадилар. Мана, ҳозир, гуруҳдан чиқишга кичик имкониятимиз бор экан - бу "эртак"нинг ҳақиқатга айланишига бор кучимиз билан ҳаракат қиламиз", - дея Пехлеванидининг сўзларини келтиради "Спорт день за днём".
