Германиянинг “Хоффенхайм” клуби “ПСЖ” тарбияланувчиси бўлган 23 ёшли франциялик ҳимоячи Стенли Нсокини ўз сафига қўшиб олди.
Нсоки парижликлар таркибида асосий футболчига айлана олмади, у "Ницца" шарафини ҳимоя қилди ва яқинда "Брюгге"да ўйнади.
"Хоффенхайм" унинг трансфери учун камида 12 миллион евро тўлаган ва беш йил муддатга - 2027 йилгача шартнома имзолаган.
Германия чемпионати шу дам олиш кунлари бошланади, биринчи турда “Хоффенхайм” Мёнхенгладбахнинг “Боруссия” жамоаси билан сафарда ўйнайди. Ўтган йили жамоа Германия Бундеслигаси турнир жадвалида 9-ўринни эгаллаган эди.
