"Бавария" раҳбарияти клубнинг амалдаги спорт директори Хасан Салихамиджичнинг ишидан мамнун. Инсайдер Кристиан Фалькнинг ижтимоий тармоқлар орқали хабар беришича, Германия чемпиони функционер билан шартномани 2026 йилгача узайтирмоқчи.
Эслатиб ўтамиз, Салиҳамиджич 2017 йилдан бери "Бавария" спорт директори лавозимида ишлаб келаётганди. Унинг амалдаги шартномаси 2023 йилда тугайди.
Эртага, 5 август куни мюнхенликлар Германия чемпионатининг янги мавсумини очилиш ўйинини ўтказади. Юлиан Нагельсман шогирдлари сафарда Франкфуртнинг “Айнтрахт” жамоаси билан тўқнаш келишади. Учрашув Тошкент вақти билан 23:30да бошланади.
