"Манчестер Сити" бош мураббийи Пеп Гвардиола статистика унинг учун муҳим эмаслигини айтди.

Эслатиб ўтамиз, “шаҳарликлар” Англия премьер-лигасининг янги мавсумини Лондоннинг “Вест Хэм” жамоасига қарши сафар учрашуви билан бошлайди.

“Статистикани ўқиганимда, улар менга ҳеч нарса демайдилар ва ҳеч қандай тарзда мени хурсанд қилмайдилар.

Фарқи йўқ, 50 гол, 60 гол. Премьер-лигада 4 марта чемпион бўлганимиз ҳам муҳим эмас. Бу жуда зўр, лекин ҳозир бу муҳим эмас", - деди Гвардиола матбуот анжуманида.

Эслатиб ўтамиз, аввалроқ “Манчестер Сити” Англия Суперкубогида “Ливерпул”га 1:3 ҳисобида имкониятни бой берган эди. “Шаҳарликлар”нинг ягона голига янги келган Хулиан Алварес муаллифлик қилди.