"Лейпциг" ҳимоячиси Анхелиньо "Хоффенхайм"га ўтишга яқин турибди, деб хабар бермоқда Фабрицио Романо.
Манбанинг хабарига кўра, 25 ёшли испаниялик футболчи ушбу трансфер вариантини жиддий кўриб чиқмоқда. "Лейпциг" футболчини ёзда сотишга тайёр. "Хоффенхайм" ҳам футболчини жамоага таклиф қилишга қарши эмас.
Аввалроқ, Анхелиньога "Брайтон" ва "Вест Хэм" клублари ҳам қизиқиш билдираётгани хабар қилинганди.
Ўтган мавсумда Анхелиньо "Лейпциг" сафида барча мусобақаларда 43 ўйинда 3 та гол урди ва 12 та голли узатмани амалга оширди. Transfermarkt портали футболчини 30 миллион еврога баҳоламоқда.
