"Арсенал" ярим ҳимоячиси Лукас Торрейра Туркиянинг "Галатасарой" клубига ўтишга рози бўлди.
Аввалроқ, "канонирлар" ўз футболчиси билан хайрлашишга тайёр экани хабар қилинганди, бироқ у ҳали якуний қарорга келмаган.
Эндиликда, инсайдер Фабрицио Романонинг сўзларига кўра, уругвайлик футболчи “Галатасарой” билан келишиб олган.
Яқин кунларда Торрейра ушбу трансферни расман якунлаш учун Туркияга учиб кетади. "Арсенал" 26 ёшли ярим ҳимоячини сотишдан тахминан 6-7 миллион евро ишлаб олади.
Лукас Торрейра 2018 йилдан бери "Арсенал"да ўйнайди. Ўтган мавсумда футболчи Италиянинг "Фиорентина" клубида ижара асосида ўйнаганди.
