"Арсенал" бош мураббийи Микель Артета бу мавсумда АПЛдаги мақсадини очиқлади.
"Премьер-лигада ҳар доим катта рақобат бўлади, лекин биз бор эътиборимизни мақсадларимизга қаратганмиз. Мен жамоанинг турнир жадвалида биринчи ўринда бўлишини истайман. Бироқ, барчани фақат якуний натижа қизиқтиради", - деди "канонирлар" мураббийи клуб расмий сайтига.
"Арсенал" ўтган мавсумда АПЛда бешинчи ўринни эгаллади.
Премьер-лиганинг биринчи турида Артета шогирдлари сафарда “Кристал Пэлас” билан тўқнаш келишади. Учрашув бугун тунда Тошкент вақти билан соат 00:00да бошланади.
