"Манчестер Сити" бош мураббийи Хосеп Гвардиола шу ёзда Дортмунднинг "Боруссия" клубидан "шаҳарликлар"га келиб қўшилган Эрлинг Холанднинг ўйинидан хавотирда эмаслигини айтди.
"Холанд бу мавсумда нечта гол уришини билмайман, бу мени хавотирга солмайди. У ёшлигидаёқ нималарга қодирлигини кўрсатиб бўлган. Ҳар биримиз ўзимизни кўрсатишимиз керак", - деди Гвардиола матбуот анжуманида.
Эслатиб ўтамиз, Холанд "Манчестер Сити" сафида "Бавария"га қарши ўртоқлик ўйинида гол урган эди. Кейинроқ норвегиялик футболчи Англия Суперкубогида "Ливерпул"га қарши баҳсда гол ура олмади.
