"Челси" бош мураббийи Томас Тухель Лондон клуби "Брайтон" ҳимоячиси Марк Кукурельяни сотиб олишга яқин эканлигини тасдиқлади.
“Трансфер ҳали тугалланмаган. Ҳужжат ишлари қизғин давом этмоқда. Умид қиламанки, кечга қадар биз тафсилотларни ҳал қиламиз ва Марк "Челси" футболчисига айланади", - дея Тухелнинг сўзларини келтиради Football London.
Хабар қилинишича, 24 ёшли испан "Челси" билан 2028 йилгача мўлжалланган шартнома имзолайди ва лондонликлар учун 52,5 миллион фунтга тушади.
Кукурелья ўтган мавсумда “Брайтон” сафида 39 та ўйинда майдонга тушиб, 1 та гол урди ва 2 та голли узатмани амалга оширди.
