"Лестер" ярим ҳимоячиси Жеймс Мэддисон ёзда "Ньюкасл" жамоасига ўтмайди. Журналист Алекс Крукнинг ёзишича, англиялик футболчи Брендан Рожерс жамоасида қолишга қарор қилган.
Бундан ташқари, Мэддисон яқин вақт ичида "Лестер" билан янги узоқ муддатли шартнома имзолашни режалаштирмоқда. Эслатиб ўтамиз, англиялик футболчи ўтган мавсумда "тулкилар"нинг энг яхши футболчиси деб тан олинганди.
Аввалроқ “Ньюкасл” Мэддисон учун тахминан 55-60 миллион евро таклиф қилганди. “Ньюкасл” бош мураббийи Эдди Хау футболчини ўз жамоасида кўришни жуда хоҳлаганди, аммо энди клуб муқобил вариантларни кўриб чиқиши керак.
