Туриннинг "Ювентус" клуби ҳужумчи Алваро Мората учун курашда таслим бўлмоқчи эмас. Журналист Николо Скиранинг хабар беришича, “кекса синьлра” испаниялик футболчининг трансфери учун “Атлетико” билан навбатдаги учрашувни белгилаган.

Эслатиб ўтамиз, Мората сўнгги икки мавсумни "Ювентус"да ижара асосида ўтказган, бироқ ижара шартнома муддати тугаши билан клуб испанияликни сотиб олишдан бош тортган эди. "Ювентус" таклиф қилаётган пул "Атлетико"ни қониқтирмаяпти, лекин туринликлар "матрасчилар"ни чегирма қилишларига умид қилмоқда.

Моратанинг ўзи "Ювентус"га қайтишга қарши эмас. Футболчининг қайтишига Италия клуби бош мураббийи Массимилиано Аллегри қизиқмоқда.