Англиядаги фаолияти давомида Юрген Клопп мураккаб тақвим ҳақида бир неча бор шикоят қилган. Премьер-лиганинг янги мавсуми бошланишидан олдин "Ливерпуль" устози яна бу борада фикр билдирди.
“Жаҳон чемпионати нотўғри вақтда ўтказилади. Агар кимдир финалда ёки учинчи ўрин учун ўйинда ўйнаса... Бу мени жаҳлим чиқаради. Ҳар бир инсон тақвим нотўғри эканлигини билади, лекин бу ҳақда кам гапирилади.
ФИФА, УЕФА, Англия футбол ассоциацияси, Англия Премьер-лигаси, илтимос, гаплашайлик! Келинг, учрашув ташкил қилайлик! Ўйиннинг энг муҳим қисми - футболчилардир!" - деди Клопп матбуот анжуманида.
Учинчи ўрин учун ўйин ва Жаҳон чемпионати финали мос равишда 17 ва 18 декабр кунлари бўлиб ўтади. Шу билан бирга, 26 декабр куни АПЛда тур ўйинлари бўлиб ўтади.
Эслатиб ўтамиз, Жаҳон чемпионати иқлим туфайли йил охирига кўчирилганди - июнь-июль ойларида Қатарда ҳаво жуда иссиқ бўлиши инобатга олинди.
