"Манчестер Юнайтед" бош мураббийи Эрик тен Хаг Криштиану Роналдуни мақтади. Шунингдек, мураббий португалиялик футболчи АПЛнинг 1-турида “Брайтон” жамоасига қарши бўлиб ўтадиган учрашувнинг асосий таркибида майдонга тушадими деган саволга ҳам жавоб берди.
"Роналду "Брайтон"га қарши ўйинни асосий таркибда бошлайдими? Якшанба куни билиб оламиз. Биз у билан жуда омадлимиз, бизда топ-ҳужумчи бор. У биз билан машғулот ўтказади ва ўйинга тайёр бўлади", - деди тен Хаг матбуот анжуманида.
Эслатиб ўтамиз, Роналду "Манчестер Юнайтед"ни тарк этишдан манфаатдор. Португалиялик футболчи келаси мавсумда Чемпионлар лигасида ўйнайдиган жамоа сафига ўтмоқчи.
