"Ньюкасл" жамоа бош мураббийи Эдди Хау билан янги шартнома имзолаганини эълон қилди.
Қайд этилишича, 44 ёшли мураббий билан узоқ муддатли шартнома имзоланган. Олдинги шартнома 2024 йилнинг ёзига қадар тузилганди.
“Келажагимни ушбу ақл бовар қилмайдиган клубга бағишлаш катта бахт. Мен “Ньюкасл” бош мураббийи эканлигимдан жуда фахрланаман ва бу ерда ўтказган ҳар бир лаҳзадан завқ оламан”, - дея Хаунинг сўзларини келтиради клуб матбуот хизмати.
Хау 2021 йилнинг ноябрида жамоа бош мураббийига айланди. "Ньюкасл" ўтган мавсумда АПЛда 38 ўйиндан кейин 45 очко тўплаган ҳолда 12-ўринни эгаллади.
