"Лестер" ҳимоячиси Рикардо Перейра жароҳати сабаб 6 ойни ўтказиб юборади. Тиббий экспертиза унинг Ахиллес суягида муаммолар борлигини аниқлади, деб хабар беради Daily Mail.
28 ёшли португалиялик аллақачон операция қилинган. Перейра "Севилья"га қарши мавсумолди ўйинида жароҳат олганди.
“Афсуски, Рикардо Перейра олти ойга сафдан чиқди. У Ахиллес пайларини шикастлаб олди ва бу жуда ачинарли, чунки биз бу ёзда ўйинимизни қанот ҳимоячилари ва айниқса, унинг атрофида қургандик. У жуда яхши кўринарди. Бу биз учун катта зарба”, - дейди “Лестер” бош мураббийи Брендан Рожерс.
28 ёшли португалиялик футболчи 2018 йилдан буён “Лестер Сити”да тўп тепмоқда. У "Порту"дан 22 миллион евро эвазига кўчиб ўтди.
Февраль ойида у клуб билан шартномасини 2026 йилгача узайтирганди.
