"Ливерпуль" бош мураббийи Юрген Клопп АПЛнинг янги мавсуми бошланишидан олдинги фикрлари билан ўртоқлашди. Хусусан, германиялик мураббий олтин медаллар учун курашда жамоасининг рақиблари ҳақида ўз фикрларини билдириб ўтди.
"Манчестер Сити", "Челси" ва "Арсенал"дан кўпроқ нарсани кутяпманми? Албатта. Шунингдек, "Манчестер Юнайтед", "Тоттенхэм" ва "Ньюкасл"дан ҳам кўп нарсалар кутяпман. Менимча, бу клублар фақат ёзги трансфер ойнасида кучайишди. Биз ўзимиз ҳақимизда кўпроқ ўйлашимиз керак, биз ривожланишимиз керак. Биз тўпга эгалик қилиш борасида устунроқ бўлишни истаймиз", - деди германиялик мураббий клуб матбуот хизматига.
"Ливерпуль" АПЛни сафарда Лондоннинг "Фулхэм" жамоасига қарши учрашув билан бошлайди. Учрашув бугун бўлиб ўтади.
