"Ливерпул"нинг собиқ дарвозабони Лорис Кариус "қизиллар" бош мураббийи Юрген Клопп билан алоқани сақлаб қолгани ҳақида фикр билдирди.
“Клопп билан гаплашиб тураманми? Ҳа, албатта. Мен Юргенни туғилган куни билан табрикладим, у ҳам мени табриклади ва ҳатто байрамларда бир-биримизга видео юбордик. Биз яхши муносабатдамиз ва ҳар доим бир-биримизни қўллаб-қувватлаганмиз. Биз дўст бўлиб қоламиз” - деди Кариус.
29 ёшли дарвозабон 2016 йилдан жорий йилгача "Ливерпул"га тегишли эди. Бу даврда у Туркиянинг “Бешиктош” ва “Унион Берлин” клубларида ижара асосида ўйнаган. 2018 йилги Чемпионлар лигаси финалида “Реал”га қарши ўйинда машҳур бўлган немис дарвозабони айни дамда эркин агент.
