Уэйн Руни ҳужумчи Криштиану Роналдунинг келажаги ҳақидаги фикрлари билан ўртоқлашди.
"Менимча, "Манчестер Юнайтед" Роналдуни қўйиб юбориши керак. Гап у Тен Хаг жамоасида ўйнай олмаслигида эмас - у исталган жойда ўйнай олади ва доим гол уради.
Лекин назаримда, “МЮ” ҳозир чемпионлик учун курашишга тайёр эмас, шунинг учун ҳам 3-4 йил ичида буни уддалай оладиган жамоа тузишни мақсад қилиш керак. Бу катта режани талаб қилади.
Агар Роналду ҳақиқатдан ҳам кетишни истаса, "МЮ" унга рухсат бериши ва кейин 3-4 мавсум давомида клубда бўладиган кучли ҳужумчи билан шартнома имзолаши ва жамоанинг муваффақият қозонишига ёрдам бериши керак. Тен Хагга вақт бериш керак”, дейди "Ди Cи Юнайтед" бош мураббийи.
