"Манчестер Юнайтед" бош мураббийи Эрик тен Хаг нима учун португалиялик ҳужумчи Криштиану Роналду "Брайтон"га қарши АПЛнинг 1-тури учун жамоанинг асосий таркибига киритилмаганини айтди.

37 ёшли футболчи захирада қолди.

“Роналду мавсум олдидан жуда қисқа вақт ўтказди. У ўтган ҳафта машғулотларни бошлади ва ўртоқлик учрашувида майдонда атиги 45 дақиқа ўйнади. У бошқа футболчилар билан бир хил жисмоний тайёргарликка эга эмас”, деди у.

Шунингдек, у Роналдунинг қачон майдонга тушишини ҳозирча билмаслигини айтди.

Маълум бўлишича, футболчи ёзги трансфер ойнасида "Манчестер Юнайтед"ни тарк этмоқчи. Бироқ унинг трансфери ҳеч қайси жамоани қизиқтирмаяпти.