Ҳужумчи Эдинсон Кавани фаолиятини Испания чемпионатида давом эттириши мумкин. Инсайдер Жанлука Ди Марционинг хабарига кўра, 35 ёшли уругвайлик футболчи "Валенсия"нинг қизиқиш доирасига тушиб қолган.
Олдинроқ ҳужумчи тез орада "Бока Хуниорс" футболчисига айланиши ҳақида хабар берилганди.
1 июлдан бошлаб Кавани эркин агент мақомига эга, чунки унинг "Манчестер Юнайтед" билан шартномаси тугади. ОАВ Каванига “Монца”, “Вильярреал” ва Дортмунднинг “Боруссия” клублари қизиқиш билдираётгани ҳақида ёзишди.
Кавани ўтган мавсумда барча турнирларда 20та ўйинда майдонга тушиб, 2та гол урган.
