“Челси” ҳужумчиси Тимо Вернер “Лейпциг”га қайтишга яқин турибди. Келишув душанба куни якунланиши мумкин, деб ёзади инсайдер Фабрицио Романо.

Манбага кўра, 26 ёшли германиялик футболчи трансфер амалга ошиши учун маошини сезиларли даражада камайтиришга тайёр.

6 август, шанба куни Вернер Лондон клубининг Англия Премьер-лигасининг 1-туридан ўрин олган “Эвертон”га (1:0) қарши ўйин учун қайдномасида йўқ эди.

Эслатиб ўтамиз, ҳужумчи 2016 йилдан 2020 йилгача "Лейпциг"да ўйнаган. Немис футболчиси клуб учун 156 учрашувда 90 та гол урди ва 40 та голли узатмани амалга оширган.

Transfermarkt.com портали футболчининг нархини 35 миллион еврога баҳоламоқда.